|
 |
RTV NISAVA, maj angluni romani radio taj televizija ki Srbija , si kerdi ko 2001.bersheste, a kerdi si katar i rig e romane amalipaski BAHTALO DROM. Eksperimentalno mukhibe e TV programesko crdija drom katar o grastonaj (aprili) 2001. bersheste. Ko chon Septembra 2001. bersheste, i TV NISAVA phanglja i guverna taj gija sasa jekto elektronsko medij savo sasa phanglo pala demokratikane averchanipa ko oktobri 2000.bersheste.
Pala trin bersh, but mangipnjaja, sa o bucharne dumencar kotar o lokalno romano sajekhutnipe taj e donatorske organizacijencar , i RTV NISAVA barili ki pachavutno medijako kher e romane sajekhutnipaski.Ko starti sine ki buti dul volonterija, improvizujime oprema ko deshupandj kvadratija buchake thaneske,lokalne ucharimasa kotar o 20.000 Roma sar reslimaski grupa.Avdive, isi bish bucharne taj volonterija, upral e 200 kvadratne metrija bucharne thanesko taj regionalne ucharimasa kotar e 100.000 manusha kotar i romani audiensa taj dji ko 1.000.000 na romane potencijalne audijencasa.
Baro gindo savo shunel o radio si romano, gijate i TV dikhel baro gindo e gadjengo.
Asavki situacia del alternativne aviba,pa gija I o radio-programi ilo namenime bashe romani audiensa, a o TV programi isile balansi taj isile vakeribe I kotar o Roma I kotar e gadje.
I redaktorsko politika nane phanli pala ni jekh politikani organizacija numaj phanli ili upral e romane taj na romane naguvernake organizacije kotar i Srbija andare thana sava ucharel. Sa olenge aktivitetija taj kampanje pobut droma sikavdjon ko radijske taj TV emisije.Sar dikhelpe upral e trijanda minutija ko dive ile bashe lenge aktivitetija.
Leiba kotoresko e aktivistijengo kotar e Romane NGO ilo ko olengo dzenipe ko programeskoro godzaveribe taj ko keriba e amalipnjasko taj pe olenge godzaveripa taj demantija save chache lenape ko keribe e programesko.
Mangel pes te i RTV NISAVA avel mashkarno than e informiribasko taj e emancipacijako e romane sajekhutnaki bashi juzno taj jugo-istochno Srbija taj em vuchi institucija bashi sajekhutni buti e mo programi menjibasko e romane NGO taj e romane medijengo kotar e pashe phuvja.
I RTV NISAVA ili dzeno kotar i Mreza e Romane Medijengi, dzeno kotar o ANEM taj dzeno kotar o SEEMO. |
|
|
